اسلام آباد ۔ 25 مئی (اے پی پی) مزن وزیر ءَ ھاسیں کمکار برائے جان سلامتی ڈاکٹر ظفر مرزا ءَ گوشت کہ پاکستان ءَ کورونا کیس آنی تہ ءَ گیشی بوھگ ءَ انت، بازار آنی تہ ءَ رکھینگی رھبند کنگ نہ بوھگ ءَ انت۔ دو شمبے ءَ اسلام آباد ءَ میڈیا ءَ گوں تران کنان ءَ ظفر مرزا ءَ گوشت کہ پاکستانی بوت کنت پھمگ ءَ انت کہ کورونا وائرس ایوک ءَ ائید ءَ تاں بوتگ، اگاں ماں رکھینگی رھبند آناں پد ءُ رند نہ کت گڈا ٹوھیں تاوان ءِ رسیت۔ آئی ءَ گوشت کہ پاکستان ءَ چہ کورونا وائرس کدئی ھلاس بیت اچ گوشت نہ کناں ، اگاں مہ رکھینگی رھبند آناں پد ءُ رند نہ کت گڈا ٹوھیں تاوان ءِ رسیت ، ظفر مرزار ءَ گوشت کہ کورنا ءَ چہ بیران بوتگیں مردم آنی کساس گیش بوھگ ءَ انت، پاکستان ءَ کورونا کیس آنی تہ ءَ یک شل ءَ گیشی بوھگ ءَ انت۔ آئی ءَ گوشت کہ پاکستان ءَ اے وھد ءَ کساس 37 ہزار 700 ایکٹو کیس انت۔ آئی ءَ گوشت کہ پاکستان ءَ 56 ہزار 349 کرونا وائرس ءِ کنفرم کیس انت۔ الس ھوپ ءِ گر ءُ دار ءِ سبب جوڑ بہ بنت ناکہ ایشی ءِ شنگ ءُ تالان کنوک۔ آئی ءَ گوشت کہ اگاں ماں زمہ واری ءِ درشان نہ کت گڈا نادراھی گیش شنگ بیت ءُ لاک ڈائون ھم کنگ کپ ایت، ائید ءَ ما سرپد بوتگ انت کہ ایس او پیز آنی پد ءُ رند کنگ نہ بوھگ ءَ انت۔
