اسلام آباد ۔ 25 مئی (اے پی پی) سرجمیں ملک ءَ دو شمبے ءَ کسانیں ائید ءِ دومی روچ ایمنی ءُ سادگی ءَ گوں گوازینگ بوت۔ دود ءُ ربیدگی رنگ ءَ کسانیں ائید ءِ دومی روچ پارکس، باگیچہ ءُ سیل ءُ سوادی جاھاں رش باز بوتگ بلے اے رند ءَ وائرس ءِ شنگ بوھگ ءِ رد ءَ اے آسراتی ءَ را بند کنگ بوتگ۔ ایشی ءَ ابید اے موہ ءِ سر ءَ نہ وشیں واکیہ ءَ چہ رکھگ ءِ واستہ بنجاھی دارلحکومت ءَ ھوار سرجمیں ملک ءِ جتا جتائیں بھر آنی تہ ءَ سیکورٹی ءَ را ترند کنگ بوتگ۔
