اسلام آباد ۔ 24 مئی (اے پی پی) راجی سیل ءُ سوادی رابطہ بورڈ ءِ چیئرمین ذوالفقار عباس بخاری ءَ گوشت کہ کسانیں ائید ءِ چھٹی ءِ ساھت ءَ شہری مردم سرجمیں ملک ءَ سیل ءُ سوادی جاھاں روگ ءَ چہ وت ءَ بہ پھر ریز ات۔ یک شمبے ءِ روچ ءَ چاگردی رابطہ آنی تنج ٹویٹر ءِ سر ءَ وتی ٹویٹ ءَ آئی ءَ گوشت کہ ھمک مردم ءَ را اے واھشت انت کہ آ کسانیں ائید ءَ وتی نزیک ءِ مردم ءُ سیاد آنی گوما پاکستان ءِ جوانیں سیل ءُ سوادی ھند آں چکر ءُ سیل بہ جنت بلے اے سال ءَ انوگ ءَ تاں کووڈ 19 ءِ سبب ءَ ما وتی سیل ءُ سواد ءِ شوبگ ءَ اچبر بے ھیال کت نہ کناں۔ آئی ءَ گوشت کہ حکومت ءَ کورنا وائرس ءِ شنگ ءُ تالان ءِ گر ءُ دار ءِ رد ءَ سیل ءُ سواد ی ھند آنی بند کنگ ءَ آں۔
