اسلام آباد ۔ 24 مئی (اے پی پی) چیئرمین ھاسیں پارلیمانی کمیٹی برائے کشمیر شہریار خان آفریدی ءَ کسانیں ائید ءِ روچ لائن آف کنٹرول ءِ سر ءَ چکوٹھی سیکٹر ءِ تر ءُ تاب کت ءُ ائید ءِ فارورڈ پوسٹ آنی سر ءَ اردی ورنا آنی ھمبراھی ءَ گوازینت۔ جی او سی میجر جنرل عامر احسن نواز ءَ شہر یار خان آفریدی ءِ چکوٹھی سیکٹر ءِ سر ءَ ایل او سی ءِ تر ءُ تاب کنائینت بریفنگ دات۔ ورنا آں گوں گشتانک دیان ءَ شہر یار خان آفریدی ءَ گوشت کہ کشمیر ھمک پاکستانی ءِ دل ءِ دریکگ انت۔ مزن وزیر عمران خان کشیمر ءِ راستیں سفیر جوڑ بوھان ءَ سرجمیں دگنیا ءِ دیم ءَ کشمیر ءِ جوانیں سفارتکار ءِ بستار ءَ سہرا بوتگ، عمران خان ءَ کشمیر ءِ کیس ءَ را یک نوکیں کشک ءِ پیش داشتگ ایشی ءِ سبب ءَ نوں کشمیر ءِ جیڈھ سہرا بوھگ ءَ انت۔ آئی ءَ گوشت کہ حکومت ءِ پاکستان ءُ کشمیری الس آنی گوما ھمکوپگی ءَ آجوئی ءِ ھاتر یکیں ڈائریکشن ءَ کار کنگ ءَ انت۔
