راولپنڈی۔ 24 مئی (اے پی پی) آرمی چیف جنرل قمر جاوید باجوہ ءَ گوشت کہ کشمیر یک کشاں چیلی دمگ ات، بھارتی ظلم آنی آماچیں کشمیر آنی گوما یکوئی ءِ درشان ءَ کنان ءَ ائید ءِ روچ ءَ گوازینگ ءَ آں، کشاں چیل ءِ وسیلگ ءَ مٹ کنگ ءِ کوشست ءِ راجی جزم ءُ اُردی ھاٹیگ ءِ پسو دیگ بیت۔ یک شمبے ءِ روچ ءَ آئی ایس پی آر ءِ نیمگ ءَ جاڑی بوتگیں جار ءِ رد ءَ کسانیں ائید ءِ موہ ءَ جنرل قمر جاوید باجوہ ءَ لائن آف کنٹرول ءِ سر ءَ پونا سیکٹر ءِ تر ءُ تاب کت۔ آرمی چیف ءَ پونا سیکٹر ءَ ورنا آنی گوما نماز ءِ ائید ونت۔ سر ڈگاری اُرد ءِ سروک ءَ پاک اُرد ءِ فرنٹ لائن سولجر آنی کزبی ءُ آپریشنل تیاری آنی توسیپ کت۔ اپسر ءُ ورنا آں گوں تران کنان ءَ آرمی چیف ءَ ملکی سلامتی ءُ وشھالی ءِ دعا ءِ نیک کت۔ آئی ءَ گوشت کہ پاکستان آرمی پسو کنگ شر زانت۔ بھارتی اُرد حریت ءِ جوزگ آناں ڈگار ءَ جت نہ کنت۔ آئی ءَ گوشت کہ جنگ بندی ءِ ھلاپ کنوک آنی ھلاپ ءَ ورنا آنی جوزگ لائک ءِ توسیپ انت۔ آرمی چیف ءَ گوشت کہ کشمیر ءَ بھارتی گامگیج، لاک ڈائون ءِ مول ءُ مراد بنی آدمی ھک آنی ھلاپ ءَ میاں اوستمانی دلگوش ءَ را دور کنگ انت، ھمے سبب ءَ بھارت لائن آف کنٹول ءِ سر ءَ سول آباتی ءَ را نشانگ بندگ ءَ انت۔ آئی ءَ گوشت کہ پاکستان آرمی توامیں بیم آ ں گوں جوانیں ءَ دست پنجگ بوھگ ءَ زانت۔
