اسلام آباد ۔ 24 مئی (اے پی پی) صدر مملکت ڈاکٹر عارف علوی ءَ گوشت کہ آ وتی ائید ءَ پی آئی اے ءِ جہاز ءِ وئیل ءِ آماچیں شہید ، کرونا ءِ آماچیں ، بزگریں توامیں گریب، ڈاسکٹرز ، نرسز، کرونا ءِ مریض، ہندوستانی ظلم ءَ را سگوکیں کشمیر، ہندوستان ءَ اسلام فوبیا ءِ آماچیں مسلمان فلسطینی ءُ مسلمان مہاجر آنی نام ءَ کنت انت، توامیں پاکستانی آں گوں اپیل انت کہ آ چاگردی گستائی ءِ رد ءَ گامگیج بکن انت۔ گوستگیں روچ ءَ وتی ٹویٹ ءَ آئی ءَ گوشت کہ منی توامیں پاکستانی بلکینگ ءَ توامیں بنی آدم آں گوں دزبندی انت کہ آ چاگردی گستائی رھبند آنی سر ءَ گامگیج بکن انت، ماسک بہ پوش انت، وتی دست آں بہ شود انت تانکہ آ وت ءُ وتی نزیکے مردم آناں بہ بھریز انت۔ آئی ءَ گوشت کہ پاکستان اے مشکلیں وھد ءَ چہ زوت در کپ ایت۔
