انقرہ۔ 24 فروری (اے پی پی) مزن وزیرمحمد نواز شریف ئَ گوشت کہ پاکستان اقتصادی راہداری منصوبگ ئَ ترکی ئِ بھر زور ئَ وش اتک کنت ، ایمنیں اوگانستان پاکستان ئُُ پڑ ئِ نپ ئُُ سیت ئَ اِنت، 2013ئِ رد ئَ 2017ئَ لوڈشیڈنگ ئِ جاور ھال آنی تہ ئَ سک باز کمیگ اتکگ ، میڈیا ئِ تہ ئَ وت کیاس گری دیم ئَ جنزگ ئِ جوانتریں کشک اِنت، پاکستان ئِ توامیں سیاسی گل ئُُ رھشون آناں ملکی دیمروئی ئُُ وشھالی ئِ ھاترا یکجائی ئَ کار کنگی اِنت۔ اے ھیال آنی درشانی آئی ئَ ارز بند ئِ ساھت ئَ اھوالکار آں گوں تران کنان ئَ کُت اَنت۔ مزن وزیر ئَ گوشت کہ پاکستان ئُُ ترکی ئِ نیام ئَ کمک ئَ سک باز دیمروئی گام جنگ بوھگ ئَ اِنت۔ ترکی نیامی ایشیائی ملک آنی گوما یکجائی ئَ چین پاکستان اقتصادی راہداری ئَ را دیمروئی دات کنت۔ مزن وزیر ئَ گوشت کہ مئے آیوکیں وھد ئِ وڑن خنجراب ئَ چہ چین ، کرغستان ئُُ قزاخستان ئَ تاں نیامی ایشیائی ملک آنی گوما یکوئی برجا دارگ ئِ سر ئَ دلگوش اَنت۔ مزن وزیر ئَ گوشت کہ ترکی ئِ صدر ئِ گوما گند ئُُ نند ئِ ساھت ئَ شام، روس ئُُ داعش ئَ ابید آزاتیں تجارت ئِ منوگری ئُُ اقتصادی کمک ئَ ھوار بازیں کار آنی سرئَ سرجمی ئَ ھیال ریچی کنگ بوت۔ لاہور ئِ دمگ گلبرگ ئَ تراک ئِ ھوالگ ئَ میڈیا ئِ وسیلگ ئَ داتگیں دروگیں ھال ئِ شنگ ئِ کنگ ئِ بابت ئَ جُست ئِ پسو ئَ مزن وزیر ئَ گوشت کہ اے جوانیں نکان اِ ت کہ دیم ئَ اتکگ ، اے رد ئَ ھال رسانکی ادارگ ئُُ اھوالکار آنی تہ ئَ باست ئُُ واست ئِ بندات بوتگ چیا کہ وت کیاسگری دیم ئَ جنزگ ئِ جوانتریں کشک اِنت۔
