اسلام آباد ۔ 23 مئی (اے پی پی) حال ءُ اھیوالکاری ءُ شنگکاری ءِ بنجاہی وزیر سینیٹر شبلی فراز ءَ گشتگ کہ بنجاہی حکومت ریسکیو آپریشن ءَ را گشاد کنگ ءِ ھاترءَ سندھ حکومت ءَ گوں رابطہ ءِ تہ ءَ اِنت، حکومت گراب وئیل ءَ ریلیف ءُ ریسکیو ءِ سرءَ سرجم ءَ دلگوشی کنگ ءَ اِںت۔ آئی ءَ گشتگ کہ ائید ءَ چہ پیسرا ے افسوزناکیں وئیل اِت، مزن وزیر عمران خان ءُ آئی ءِ سرجمیں حکومتی ٹیم آنی دعا مشکل ءِ اے وہدءَ مسافر، گراب ءِ عملہ ءُ آماچیں مردمانی گوما اَنت۔ آئی ءَ گشتگ کہ حکومت کووڈ19 ءِ سوب ءَ چہ آماچ بوتگیں چاگردءِ زہباریں تبک ءِ ھاترءَ آسراتی ءِ سر کنگءِ ھاترءَ حاسیں گامگیج چست کنگ ءَ اِنت۔ مزن وزیر عمران خان ءَ لاک ڈاؤن ءَ نرمی ءِ حکم داتگ کہ ایشی ءِ مول ءُ مراد ملک ءِ زہباریں مردماناں آسراتی دیئگ اِنت۔ آئی ءَ اُلسءَ گوں دزبندی کتگ کہ آ کورونا وائرس ءِ شنگ ءُ تالانی ءَ را دارگ ءِ ھاترءَ ایس او پیز ءِ سرءَ عمل کنگ بہ بیت۔
