پی آئی اے گراب وئیل، وئیل جاہ ءَ 94جون درکنگ بوتگ، ایدھی فاؤنڈیشن ءِ جارچین

کراچی۔ 23 مئی (اے پی پی)پاکستان انٹرنیشنل ائیرلائن (پی آئی اے) بدبھتیں گراب کراچی ءِ دمگ ماڈل کالونی ءَ کپتگ ءُ تباہ بوتگ کہ آئی ءِ نتیجگءَ بازیں مردمے بیران بوتگ کہ تاں انگت 94جون درکنگ بوتگ اَنت۔ ایدھی فاؤنڈیشن ءِ جارچین ءَ شمبےءِ روچءَ گشتگ کہ جون آناں پہ پجار ءِ ھاترءَ ایدھی سرت جاہ ءَ ایر کنگ بوتگ، آیانی سیاد ءُ وارث وتی مردمانی جون آں ایدھی سرت جاہ ءَ چہ پجارکُت کناں۔ آئی ءَ گشتگ کہ وئیل ءِ سرءَ ریسکیو آپریشن جاری اِنت کہ آئی ءِ تہءَ ایدھیءِ رضاکار ہم کمک کنگءَ اَنت۔ اے گراب جمعہ ءِ روچءَ لاہورءَ چہ کراچیءَ پیداک بوتگ، جناح میاں اوستمانی بالی پڑ کراچی ءَ نندگ ءِ یک منٹ پیسر ماڈل کالونی ءَ کپتگ ءُ تباہ بوتگ۔ گراب ءَ گراب ءِ عملہ ءِ باسکاں ابید 100 مسافر سفر کنگءَ بوتگ اَنت۔