پی آئی اے بالیگ وئیل ءِ آماچ، 11 لاش ءُ 6 ٹپیگ آنان جناح ہسپتال ءَ روان دیگ بوتگ، صوبائی وزیر جان سلامتی

کراچی۔22 مئی(اے پی پی)صوبائی وزیر جان سلامتی ڈاکٹر عذرا پیچوہو ءَ گوشت کہ انوگ ءَ تاں جناح پوسٹ گریجویٹ میڈیوکل سینٹر (جے پی ایم سی) ءَ 11 لاش ءُ 6 ٹپیگ آناں روان دیگ بوتگ۔ اے گپ آئی ءَ آدینگ ءِ روچ ءَ بالیگ ءِ وئل ءَ چہ پد اھوالکار آں گوں تران کنان ءَ کت۔ صوبائی وزیر ءَ گوشت کہ کرونا وائرس ءِ سبب ءَ ہسپتال ءَ ہائی الرٹ انت ءُ بالیگ ءِ وئیل ءَ چہ پد توامیں ہسپتال آنی تہ ءَ ایمرجنسی جنگ بوتگ۔ آئی ءَ گوشت کہ جناح ہسپتال ءِ انتظامی ءُ ڈاکٹر سیمی جمالی ءِکار کرد ءِ پد ءَ دل یکیمی ءِ درشان کت۔ آئی ءَ گوشت کہ گس آنی سر ءَ جہاز ءِ کپگ ءِ سبب ءَ ٹپیگ آنی کساس گیشاں چہ گیش بوت کنت۔ آئی ءَ گوشت کہ پجار ءِ واستہ ڈی این اے ءِ چار ءُ تپاس بندات کنگ بوتگ۔