مزن وزیر ءِ ھاسیں کمکار برائے جان سلامتی ڈاکٹر ظفر مرزا ءِ این سی او سی ءَ پریس بریفنگ، یک روچے ءَ 2603 کیس رپوٹ، 50 مردم آنی بیرانی ءِ پد ءَ دلپدری ءِ درشان

اسلام آباد ۔ 22 مئی (اے پی پی) مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ یک روچے ءَ 2603 کیس رپوٹ ءُ 50 مردم بیران بوھگ ءِ پد ءَ دلپدردی ءِ درشان کنان ءَ سرجمیں راج ءَ گوں اپیل کتگ کہ لاک ڈائون ءِ تہ ءَ نرمی ءِ ساھت ءَ بازار ، مچ ءُ کائی جاھ، شاپنگ مالز ءُ دکان آنی تہ ءَ ماسک ءِ کارمردی المی، چاگردی گستائی ءَ را مھکم دارگ ءُ ایندگر جاور ھال گیش ھراب بوت کن انت، اے ائید ایندگر توامیں ائید آں چہ جتا بیت، عید الفطر ءِ موہ ءَ امباز ءُ گلائش کنگ یک ءُ دگر ءَ مہبیت، چاگردی گستائی ءَ را مھکم دارگ، 50 سال ءَچہ گیش امبرے مردم گس آنی توک ءَ بہ نند انت۔ آ آدینگ ءِ روچ ءَ نیشنل کمانڈ اینڈ آپریشن سینٹر (این سی او سی) ءَ میڈیا ءَ را بریفنگ دیان ءَ کت۔ ھاسیں کمکار ڈاکٹر ظفر مرزا ءَ گوشت کہ پاکستان ءَ گوستگیں بیست ءُ چار سال کلاک آنی تہ ءَ 50 مردم ءِ بیرانی سک باز انت۔ اینکیاس کیس 24 کلاک آنی تہ ءَ انوگ ءَ تاں دیم ءَ کیس آناں ایر بکن ات گڈا جاور ھال نہ گیگ انت۔ آئی ءَ گوشت کہ ایش ھما وھد ءَ بوتگ کہ لاک ڈائون ءِ تہ ءَ نرمی کتگ۔ آئی ءَ گوشت کہ ما ایس او پیز جوڑ کتگ ایشاناں پد ءُ رند کنگ بوتگ ءُ پد ءُ رند کنگ نہ بوتگ، لاک ڈائون ءِ تہ ءَ ما آسانی پیداک بوتگ کہ مردم رکھینگی رھبند آنی پد ءُ رندی ءَ گوں ائید ءِ شاپنگ ءَ بکن انت۔ گوستگیں ھپتگ چار ءُ تپاسی ءَ چہ سہرا بوتگ کہ جاور نہ وش انت۔ کجام ھما مچی ءُ ٹرانسپورٹ ءِ جاھ ءَ ماسک ءِ کارمردی المی انت، ائید ءِ نماز ءَ ھما المی ایں رھبند آناں پد ءُ رند کنگ بہ بنت ھما کہ رمضان شریف ءَ تراویح ءُ مسیت ءَ پد ءُ رند کنگ بوتگ انت۔ آئی ءَ گوشت کہ مسیت ءِ مٹ ءَ گس آنی توک ءَ ائید ءِ نماز ءَ بوان انت، اگاں لاک ڈائون ءَ آماچیں مردم آناں شما زان ات گڈا گوں پچیں دل ءَ آواناں کمک بکن ات۔ آئی ءَ گوشت کہ اے ائید جتا انت یک ءِ دومیگ ءِ گوما گولائش مکن ات، دور دوراں چہ یک ءِ دومیگ ءَ را ائید ءُ مبارک بگش ات، گولائش کنگ ءَ چہ وائرس گوں ترندی ءَ شنگ ءُ تالان بوت کنت۔