اپوزیشن لیڈر ءِ لوگ بانک ءِ اکائونٹ ءَ اربانی کلدار ءِ ٹی ٹی کئے ءَ روان داتگ انت ایشرا جست گرگ بہ بیت، پی ٹی آئی ءِ سروک ڈاکٹر شہباز گل ءِ ٹویٹ

اسلام آباد ۔ 22 مئی (اے پی پی) پاکستان تحریک انصاف ءِ سروک ڈاکٹر شہباز گل ءَ گوشت کہ سلمان شہباز کیاسگری ءَ چہ چیا تچگ ءَ آں، اے گپ ءَ جست گرگ بہ بیت۔ اپوزیشن لیڈر ءِ زامات چیا گار انت، اے شہباز شریف ءَ چہ جست گرگ بہ بیت۔ اپوزیشن لیڈر ءِ لوگ بانک ءِ اکائونٹ ءَ اربانی کلدار ءِ ٹی ٹی کئے ءَ روان داتگ انت، اے ایشرا جست گرگ بہ بیت۔ نواز شریف ءُ مریم ءِ اربانی مڈی آنی بابت ءَ آواناں پرس کنگ بہ بنت۔