24 کلاک آنی ساھت ءَ 2603 نوکیں کیس، 50 مردم بیران

سرجمیں ملک ءَ کرونا وائرس ءِ تسدیک بوتگیں کیس 50,694 ہزار، بیرانی 1067 بوتگ انت
4,45,987 مردم آنی ٹیسٹ کنگ بوتگ ، 15,201 مرض جان سلامت بوتگ
سندھ ءَ کلی کیس آنی کساس 19,924 بوتگ، نیشنل کمانڈ اینڈ آپریشن سینٹر
اسلام آباد ۔ 22 مئی (اے پی پی) نیشنل کمانڈ اینڈ آپریشن سینٹر (این سی او سی) ءَ کورونا وائرس ءِ ھوالگ ءَ تاجگیں اپ ڈیٹ جاڑی کتگ انت، سرجمیں ملک ءَ کورونا ءِ ایکٹو کیس آنی کساس 34 ہزار 426 ، تسدیک بوتگیں کیس آنی کساس ھم 50 ہزار 694 ءَ تاں سر بوتگ انت، گوستگیں 24 کلاک آنی ساھت ءَ 2603 نوکیں کیس رپوٹ بوتگ انت، 50 گیش بیرانی ءِ گوما ھواریں بیرانی 1067 بوتگ انت۔ این سی او سی ءِ رد ءَ پنناپ ءَ کورونا وائرس ءِ کیس آنی کساس 18 ہزار 455 ءَ تاں پج اتگ انت۔ سندھ ءَ 19 ہزار 924 کورونا کیس رپوٹ بوتگ انت، خیبرپختونخوا ءَ کیس آنی کساس 7 ہزار 155 ءُ اسلام آباد ءَ 1326 بوتگ انت۔ بلوچستان ءَ 3074 گلگت بلتستان ءَ 602 کیس رپوٹ بوتگ انت۔ آزات کشمیر ءَ کرونا وائرس ءِ کیس آنی کساس 158 بوتگ انت۔ سرجمیں ملک ءَ انوگ ءَ تاں 15 ہزار 201 مریض سرجمیں رنگ ءَ جان سلامت بوتگ انت۔ این سی او سی ءِ رد ءَ گوستگیں 24 کلاک آنی ساھت ءَ 50 مردم بیران بوتگ انت۔ کرونا وائرس ءَ چہ مرگ ءِ پجگ آں روکیں مردم آنی کساس 1067 ءَ تاں سر بوتگ انت۔ ایشانی تہ ءَ سندھ ءِ 336 ، پنجاپ ءِ 301، کے پی کے ءِ 365، گلگت بلتستان ءِ 4 ، آزات جموں کشمیر ءَ یک، اسلام آباد ءَ 12 ءُ بلوچستان ءَ 39 ھوار انت۔ انوگ ءَ تاں 4 لکھ 45 ہزار 987 مردم کورونا وائرس ءِ واستہ ٹیسٹ کنگ بوتگ انت۔ گوستگیں 24 کلاک آنی ساھت ءَ 14 ہزار 387 مردم ءِ ٹیسٹ کنگ بوتگ انت۔ ملک ءِ 726 ہسپتال آنی تہ ءَ 11 ہزار 361 مریض زیر علاج انت۔ 372 کرونا ءِ آماچیں مردم آنی جاور سک باز نہ گیگ گوشگ بوھگ ءَ انت۔