کوویڈ۔ 19 نا تالانی و توننگ نا چاروئی ٹی لاک ڈاؤن اٹی مچ آ صوبہ ٹی بیکری مصنوعات آتا دوکانک 19 مئی آن 2 جون اسکان حکومتی ایس اوپیز تا رداٹ ملوک مریرہ

محکمہ داخلہ حکومت بلوچستان نا اسہ پرمان نامہ اس
کوئٹہ۔ 21 مئی (اے پی پی) محکمہ داخلہ حکومت بلوچستان نا اسہ پرمان نامہ سے نا رداٹ کوویڈ۔ 19 نا تالانی و توننگ نا چاروئی ٹی لاک ڈاؤن اٹی مچ آ صوبہ ٹی بیکری مصنوعات آتا دوکانک 19 مئی آن 2 جون اسکان حکومتی ایس اوپیز تا رداٹ ملوک مریرہ و دا بابت بیکری مالک آک گراک و کاریم کروک آ ورکرز آتے کن سینیٹائزر و ہینڈ واش نا ساڑی گری ءِ پک کیر۔ مالک و کاریم کروک آ ورکرز گڑاہلنگ نا وخت اٹی ماسک و گلوز آتا کاریم اٹ اتنگ ءِ لازمی کیر۔ماسک آن بیدس اسہ گراک اسے ہم دوکان اٹی پترینگ انگ نا اجازت مفک۔ بیکری ٹی ورکرز/ اسٹاف و گراک/ الس نا نیام اٹ راجی فاصلہ نا ہم خاص خیال ءِ تخنگے، دوکان نا تہہ ٹی رش آن پاناد کننگے۔ غٹ کاریم کروک آ بندغ آک وار وار آ صابن و ساف دیر اٹ دوتے سلر۔ اسہ وخت اٹی چار بندغ آن زیات ءِ دوکان اٹ پترینگ انگ نا اجازت مفک ۔ دا غٹ پارت آتے کوروناوائرس نا تالانی نا ردٹ چست کننگانے۔