لاہور۔ 21 مئی (اے پی پی) لاہور ہائی کورٹ پیمرا نا کنڈآن نیو نیوز ٹی وی چینل نا لیسن نا معطلی نا پرمان تیا عملدرآمد ءِ تورسا کڑدہ غاتے 17 جون اکن نوٹس جاری کرے۔ لاہور ہائی کورٹ نا سینئرانگا جج جسٹس محمد امیر بھٹی میسر زفن انفوٹینمنٹ نا درخواست آ سماعت کرے۔ سماعت اٹی درخواست گزار نا کنڈآن بیرسٹر علی ظفر دلیل آتے ٹی پارے کہ لیسن نا ترمیم رولز انا رداٹ کننگ نا جاگہ غا ریگولیشنز 2012 نا سیبو ءِ ہلنگا۔ درخواست گزار پیمرا ءِ 70درسد نیوز و کرنٹ افیئرز آ مبنی مکس پروگرامنگ نا منظوری کن درخواست تس ہراڑآ تخوک آ مد اٹ فیصلہ کننگتو و شوکاز نوٹس جاری کننگا ہرانا برخلاف او اسلام آباد ہائی کورٹ تون رجوع کرے۔ بڑزکو عدلیہ ٹی معاملہ سماعتاٹ مننگ آن پدہم پیمرا لیسن نا معطلی نا پرمان جاری کرے۔ سپریم کورٹ حالیت آتا علم مننگ آ درخواست گزار کمپنی ءِ معطلی نا پرمان لاہور ہائی کورٹ اٹ چیلنج کننگ نا موکل تس۔ او خواست کرے کہ پیمرا نا لیسن نا معطل کننگ نا پرمان و ریگولیشنز 2012 ءِ کالعدم گوندنگے۔

متعلقہ مضامینمصنف کی طرف سے مزید