حکومت غٹ علاقائی زبان تا شون تننگ، صحافت نا مون آ دننگ و ادب نا شونداری کن سنبرینگوک ءِ، بنجائی وزیر حوالکاری وشینکاری سینیٹر شبلی فراز

اسلام آباد۔ 21 مئی (اے پی پی) بنجائی وزیر حوالکاری و شینکاری سینیٹر شبلی فراز پارینے کہ آجوئی سلاہ درشانی نا بنداوی ، آئینی و جمہوری حق آ پورو باور کینہ، حکومت غٹ علاقائی زبان تا شون تننگ، صحافت نا مون آ دننگ و ادب نا شونداری کن سنبرینگوک ءِ ، اخبار آتا پک کننگ نا عمل نا بنداوی مسخت ملک اٹی حقی صحافت نا مون آدننگ ءِ۔ داخیال آتا درشانی ءِ او پنچ شنبے نادے آ علاقائی پریس نا بابت تینا بیان اٹی کرے۔ سینیٹر شبلی فراز پارے کہ علاقائی پریس قومی میڈیا نا اسہ اہم ءُ و گچین ءُ بشخ اسے ، آجوئی سلاہ درشانی نا بنداوی، آئینی و جمہوری حق آ پورو باور کینہ، پاکستان تحریک انصاف نا حکومت علاقائی اخبار آتا شونداری نا خواہندار ءِ، حکومت غٹ علاقائی زبان تا شون تننگ، صحافت نا مون آدننگ و ادب نا شونداری کن سنبرینگوک ءِ۔ اوپارے کہ ملک اٹی آجو و زموار صحافت نا مون آدننگ کن آسراتی فراوان کرسا کینہ، اخبار آتا پک کننگ ناعمل نا بنداوی مسخت ملک اٹی حقی صحافت نا مون آ دننگ ءِ ،م دا عمل نمائندہ میڈیا تنظیم و ایلو تعلقدار کڑدہ غاتا سلابت و کمک اٹ مون آ ہِننگ ءِ۔ اوپارے کہ دا عمل اشتہار آتا شفاف جاری کننگ و ساف بشخنگ ءِ پک کننگ اٹ کمکار مریک۔ پک کننگ نا عمل نا بابت ہچ ءُ غلط فہمی اس بایدے مف، دا عمل علاقائی صحافت ءِ سوگوی ایتک۔