بنجائی وزیر داخلہ اعجاز احمد شاہ نا قوم انا پن آ کلہو

لاک ڈاؤن اٹ نرمی نا دا مطلب اف کہ ملک آن کوروناوائرس چٹانے، وائرس نا چٹنگ اسکان رکھی گام گیج و حکومتی پارت آتیا پورو عملدرآمد کروئی ءِ
اسلام آباد۔ 21 مئی (اے پی پی) بنجائی وزیر داخلہ اعجاز احمد شاہ پارینے کہ وزیراعظم عمران خان ملکی زرگزران و مزور تپہ نا خیال ءِ تخسا لاک ڈاؤن اٹ نرمی کرے، لاک ڈاؤن اٹ نرمی نا دا مطلب اف کہ ملک آن کوروناوائرس چٹانے، کوروناوائرس نا چٹنگ اسکان ننے رکھی گام گیج و حکومتی پارت آتیا پورو عملدرآمد کروئی ءِ۔ وزارتداخلہ نا کنڈآن پنچ شنبے نادے آ جاری بیان نارداٹ قوم انا پن تینا کلہو اٹی بنجائی وزیر پارے کہ کوروناوائرس مچ آ دنیا ءِ تینا پلویڑ اٹی ہلکونے و پاکستان اٹی ہم کوروناوائرس آن داوخت اسکان 980 مرک مسنے۔ داحالیت آتے ٹی المی ءِ کہ نن کوروناوائرس آن بچنگ نا رکھی گام و حکومتی پارت آتیا پورو عملدرآمد کین۔ اوپارے کہ ننے عئید انا خوشی تے اڈترسا ہم رکھی گام گیج آتیا سختی اٹ عملدرآمد کننگ نا ءِ، بیرہ ہندا دروشم اٹ نن کورونا وائرس آن رکھ مننگ کینہ وپین چندی عئیدآتے ہم خننگ کینہ۔ بنجائی وزیر پارے کہ اگہ نن رکھی گام گیج آتیا عمل کتون تو خوانخواستہ حالیت آک خطرناک مننگ کیرہ۔