اسلام آباد۔ 21 مئی (اے پی پی) چیئرمین سینیٹ محمد صادق سنجرانی، ڈپٹی چیئرمین سینیٹ سلیم مانڈوی والا بزرگ سیاست دان و مسکوہی سینیٹر و ڈپٹی چیئرمین سینیٹ سید محمد فضل آغا نا کزیت آ ڈکھ و است ہسونی نا درشانی ءِ کرینو۔ تینا جتا جتا ہڑزخواہی کلہو آتے ٹی اوفک ایماندار سید فضل آغا نا سیاسی و راجی خذمت آتے خراج عقیدت پیش کریر۔ اوپاریر کہ سید فضل آغا …
چیئرمین و ڈپٹی چیئرمین سینیٹ نا سید محمد فضل آغا نا کزیت آ ہڑزخواہی
اسلام آباد۔ 21 مئی (اے پی پی) چیئرمین سینیٹ محمد صادق سنجرانی، ڈپٹی چیئرمین سینیٹ سلیم مانڈوی والا بزرگ سیاست دان و مسکوہی سینیٹر و ڈپٹی چیئرمین سینیٹ سید محمد فضل آغا نا کزیت آ ڈکھ و است ہسونی نا درشانی ءِ کرینو۔ تینا جتا جتا ہڑزخواہی کلہو آتے ٹی اوفک ایماندار سید فضل آغا نا سیاسی و راجی خذمت آتے خراج عقیدت پیش کریر۔ اوپاریر کہ سید فضل آغا اسہ بھاز مخلص و بااصول ءُ انسان اس ئس، اللہ تعالیٰ اونا بخشش ءِ کے و اوناخاوت ءِ صبر و جمیل عطا فرمائفے۔ سینیٹ اٹی قائد ایوان سید شبلی فراز و سینیٹ اٹی قائد حزب اختلاف سینیٹر راجہ محمد ظفر الحق ئسک ہم ایماندار سید فضل آغا نا کزیت آ است ہسونی نا درشانی ءِ کریر، و اونا خاہوت تون دلی ہمدردی نا درشانی ءِ کرینو۔ چیئرمین سینیٹ محمد صادق سنجرانی پارے کہ ایماندار سید فضل آغا نا سیاسی و جمہوری جہد ءِ مدام یات تخنگک۔ اونا کزیت آن اسہ بھاز بھلو خلاء اس ودی مسنے۔ اوپارے کہ سید فضل آغا ایوان بالا ٹی بطورڈپٹی چیئرمین سینیٹ خذمت سرانجام تس و تینا دور اٹی کانود سازی و صوبہ نا ویل آتا بابت جوان وڑاٹ توار بڑز کرے۔
