بنجائی وزیر ڈٹ بندی، شونداری اصلاحات و خصوصی گام گیج اسد عمر نا نیشنل کمانڈ اینڈ آپریشن سینٹرنا دیوان آن تران

دا وخت ملک اٹی 631 سمارٹ لاک ڈاؤن ساڑی، ٹیسٹنگ نا لائخی اِراہنداخہ مسنے، دیوان ءِ حوال
اسلام آباد۔ 21 مئی (اے پی پی) نیشنل کمانڈ اینڈ آپریشن سینٹر (این سی او سی) ءِ پنچ شنبے نادے آ معلومدار کننگاکہ داوخت آ مچ آملک اٹی 631 اسمارٹ لاک ڈاؤن ساڑی ءُ۔ ٹیسٹ، ٹریک و کوارنٹین (ٹی ٹی کیو) حکمت عملی نا بناغان پد آن داوخت اسکان ٹیسٹنگ نا لائخی اِراہنداخہ مسنے۔ بنجائی وزیر ڈٹ بندی، شونداری اصلاحات و خصوصی گام گیج اسد عمر نا کماشی ٹی این سی او سی ٹی بڑزکو کہولی دیوان اس اڈ ہلک ہراٹی چنکا عئید انا ایس اوپی، کوروناوائرس نا حالیت، ٹی ٹی کیو اپڈیٹ ومواصلات نا حکمت عملی آ گپ وتران کننگا۔ وزیراعظم نا خصوصی کمکار ڈیجیٹل پاکستان تانیہ ائدروس فیصلہ کمکارنظام نا بابت فورمءِ حوال تس۔ ایپیڈیمولوجسٹ ڈاکٹر رانا صفدر کوروناوائرس نا بابت سرجم آتے فورم اٹ پیش کرساپارے کہ کوروناوائرس آن زہمی مروک آ 22 درسد مریض درمان مننگ ءُ وخت اس کہ 31 درسد پورو دراخہ جوڑ مسنو۔داوخت آ گپ وتران کرسا بنجائی وزیر اسد عمر پارے کہ گچین کاری وونٹ آتا حساب وکتاب غٹ آن مستند ءِ ہرا فیصلہ کمکار نظام کن کاریم اٹ اتنگ مریک۔ فورم ءِ ٹاسک ٹریکر سسٹم نا بارواٹی ہم معلومدار کننگا ہرانا مسخت چندی وزارت و محکمہ غاتے تروک آ پارت و کاریم تے ریکارڈ کننگ ئس۔ فورم وزارت داخلہ، ریلوے ، واپار ، قومی سلامتی ڈویژن و نیشنل ڈیزاسٹرمینجمنٹ اتھارٹی نا کنڈآن اوفتا دمدستی ردعمل و فعال کڑد انا ستاءِ کرے۔ SMH