کورونانا دین اٹی حالیت ، دین انا مضمر آتون مون تننگ نا کوشست آتا بارواٹی گپ وتران کننگا، ترجمان دفتر خارجہ
اسلام آباد۔ 20 مئی (اے پی پی) وزیرخارجہ شاہ محمود قریشی تون پاکستان کن یورپی یونین نا سفیر اینڈرولاکیمینارہ چارشنبے نادے آداڑے وزارت خارجہ ٹی اوڑدہی کرے۔ ترجمان دفترخارجہ نا رداٹ کوروناوائرس نا دین اٹی ساڑی حالیت و دادین انا مضمرآتون مون تننگ کن کروک آ کوشست آتا بابت سرجم گپ وتران کننگا۔ وزیر خارجہ کورونا دین انا سوب یورپی یونین اٹ مروک آ جانی نسخان آ ڈکھ انا درشانی ءِ کرسا پاکستان نا حکومت و الس نا کنڈآن یکجہتی نا درشانی ءِ کرے۔ وزیر خارجہ پارے کہ کورونا دین مچ آ دنیا ءِ تینا پلویڑ اٹی ہلکونے ، دادین انا مضمرآتون مون تننگ کن جہانی کہول آ اسیجا کوشست آتے کاریم اٹ اتنگ نا گرج ءِ، پاکستان تینا کچ اٹ زرگزرانی وسیلہ غاتیان پد ہم زہمی دین انا زرگزرانی بحالی کن 8 ارب ڈالر نا زر جتا کرینے۔ شاہ محمود قریشی پارے کہ پاکستان و یورپی یونین نا نیام اٹ کثیر الجہتی بشخ آتے ٹی ہڑتوم آ کنڈآتاتعلقداری تیٹی مون آ دننگ ستاکڑزک۔کوروناوائرس آن ودی مروک آ حالیت آتون مون تننگ کن یورپی یونین نا کنڈآن پاکستان ءِ وخت آتروک آکمک سفت نا قابل ءِ۔ وزیر خارجہ پارے کہ یورپی یونین انسانی حق انا علمبردارمننگ ناخاطر مقبوضہ جموں و کشمیر اٹی جاری بدترین کرفیو و انسانی حق انا سنگین خلاف ورزی تا نوٹس ءِ ہلے۔ مخدوم شاہ محمودقریشی پارے کہ جہانی برادری بشمول یورپی یونین مقبوضہ کشمیر اٹی انسانی حق انا خلاف ورزی تا چرجوئی ءِ سلفنگ، بے سوب پابندی تا چٹفنگ و بھارتی جیل تیٹی بند کشمیری تا دمدستی یلہ کننگ کن بھارت آ زور شاغے۔ پاکستان اٹی یورپی یونین نا سفیر ساڑی دین چیلنج انا رداٹ پاکستان ناکنڈآن کروک آگام گیج آتا ستاءِکرسا یورپی یونین نا کنڈآن تروک آ امداد ناسرجم آتیان معلومدارکرے۔
