اسلام آباد۔ 20 مئی (اے پی پی) مچ آملک اٹی ملخ آتا برخلاف آپریشن اٹی تدوک آ 24 گھنٹہ ٹی 3 لکھ 71 ہزار ایکڑ رقبہ نا سروے وخت اس کہ 7 ہزار 500 ایکڑ رقبہ غا اسپرے کننگانے۔ نیشنل ڈیزاسٹر مینجمنٹ اتھارٹی نا ترجمان نا رداٹ مچ آملک اٹی ملخ آتا برخلاف آُپریشن برجاءِ ، داوخت اسکان 58 ضلع ملخ آتا جلہو آن زہمی مسنو ہرافتیان بلوچستان اٹی 30، خیبر پختونخوا ٹی 10، پنجاب اٹی 14 و سندھ اٹی 4 ضلع زہمی مسر۔ ترجمان نا رداٹ ملخ آتا زہمی ضلع آتا سروے و کنٹرول آپریشن برجاءِ۔ تدوک آ 24 گھنٹہ ٹی 3 لکھ 71 ہزار ایکڑ رقبہ نا سروے مس وخت اس کہ 7 ہزار 500 ایکڑ رقبہ نا ٹریٹمنٹ ءِ کننگا ۔ بلوچستان اٹی 3 ہزار 900 ایکڑ رقبہ غا اسپرے کننگا۔ پنجاب اٹی 25 سد ایکڑ آ اسپرے کننگا۔ خیبر پختونخوا ٹی 800 ایکڑ رقبہ نا ٹریٹمنٹ مس۔ سندھ اٹی تدوک آدے 300 ایکڑ رقبہ ٹریٹمنٹ کننگانے۔
