غٹ صوبہ غاتے طبی گڑاتا پنچ میکو کھیپ انا فراوانی پورو
اسلام آباد۔ 20 مئی (اے پی پی) نیشنل ڈیزاسٹرمینجمنٹ اتھارٹی کوویڈ۔ 19 کن غٹ صوبہ غاتے گڑاتا پنچ میکو کھیپ انا فراوانی ءِ پورو کرینے۔ دا چرجوئی ٹی چارشنبے نادے آ پنجاب ءِ ہم پنچ میکو کھیپ ءِ راہی کننگانے وخت اس کہ عئید آن مست غٹ صوبہ غاتے شش میکو کھیپ ہم جاری کننگک۔ این ڈی ایم اے نا ترجمان نا رداٹ پنجاب ءِ 3 ہزار 969این۔ 95، 4 ہزار 410ڈی۔ 95، و 68 ہزار 40 کے این 95 ماسک جاری کننگانے۔ داکان بیدس 93 ہزار 833 رکھی سوٹ و اسہ لکھ 57 ہزار 500 میڈیکل فیس ماسک ہم پنجاب نا ہسپتال آتے راہی کننگانے۔ پنجاب ءِ 86 ہزار 625 جوڑا سرجیکل دستانہ، 12 ہزار 600 فیس شیلڈ، 6 ہزار 300 سرجیکل گاؤنز و 5 ہزار 986 کیپ ہم تننگا۔ ہنداوڑ 23 ہزار 751 شوزکور، 8 ہزار 820 رکھی عینک و 8 ہزار 825 سینیٹائزر ہم پنجاب نا گڑاتے ٹی اوار ءِ۔ ترجمان این ڈی ایم اے نا رداٹ سندھ، کے پی ، بلوچستان، گلگت بلتستان و آزاد کشمیر ءِ پنچ میکو کھیپ مہالو آن گدریفنگانے۔ ہنداوڑ عئید آن مست غٹ صوبہ غاتے گڑاتا شش میکو کھیپ جاری کننگک۔
