اسلام آباد۔ 24 فروری (اے پی پی) بنجانا کنڈآن قبائلی علاقہ غاتیٹی فاٹا اصلاحات نا رداٹ 90 ارب روپئی چندی شونداری ڈٹ آتیا خڑچ کننگک وخت اس کہ اینخو سال انا ایسر اٹی فاٹاٹی بلدیاتی گچین کاری تے اڈ تننگک۔ وزارت سیفران نا ترجمان اے پی پی ئِ پارے کہ بنجا نا کنڈآن قبائلی علاقہ غاتیٹی فاٹا اصلاحات نا رداٹ فاٹا نا محرومی تا ازالہ ئِ کننگ کن چندی شونداری ڈٹ آتیا 90 ارب روپئی خڑچ کننگک وخت اس کہ اینخو سال انا ایسر اٹی فاٹا ٹی بلدیاتی گچین کاری تے اڈتننگک۔ اوپارے کہ درکار فنڈ آتیان 30 درسد بلدیاتی نمائندہ غاتا کمک اٹ خڑچ کننگک وخت اس کہ فاٹااصلاحات نا عمل اٹی فاٹا بروک آپنچ سال بنجانا بشخ سلک۔ اوپارے کہ فاٹا اصلاحات نا رداٹ فاٹا ٹی پنچ سالہ شونداری ڈٹ آتا زوت بناءکننگک ہراڑآن فاٹا نا الس نا زند انا آب بڑزمریک و فاٹاٹی پوسکن ئُ دور اسے نا بناءمریک۔
