اسلام آباد۔ 20 مئی (اے پی پی) وزیراعظم عمران خان (اینو) چارشنبے نادے آ ٹیلی ہیلتھ پورٹل نا بناءِ کیک۔ دا پلیٹ فارم نا ٹہیفنگ نا مسخت کورونا نا ساڑی آ حالیت آتا رداٹ ڈاکٹر و ناجوڑ آتے بے گرج اوڑدہی آن بچفسا اوفتا نیام اٹ گچین آ رابطہ ءِ پک کننگ ءِ تانکہ ڈاکٹر و ناجوڑ ہڑتوم آتیکن رکھ چاگڑد اسے نا فراوانی ءِ پک کننگ مرے۔ دا آسراتی نا سوب آن ڈاکٹر آتے آسراتی دُوبریک کہ او دا پلیٹ فارم آ رضاکارانہ وڑاٹ تینے نوشتہ کرفرو ناجوڑ آتے بے معاوضہ تشخیص و درمان تجویز کننگ کیر۔ ہنداوڑ شاریک کوویڈ۔ 19 تون تعلقدار سوج و ڈاکڑآتون فون نا کمک اٹ ہم رابطہ ٹی مننگ کیرہ۔
