ننکن فیڈریشن غٹ آن زیات اہمیت تخک، وزیراعظم نا سینیٹ دیوان ءِ بٹنگ انگ نا پارت
وزیراعظم عمران خان نا سلاہکار پارلیمانی امور ڈاکٹر بابر اعوان تون اوڑدہی ٹی گپ وتران
ڈاکٹر بابر اعوان ورناپارلیمنٹرینز آتا تربیت سازی نا ڈٹ ءِ وزیراعظم ءِ پیش کرے
اسلام آباد۔ 20 مئی (اے پی پی) وزیراعظم عمران خان سینیٹ نا دیوان ءِ بٹنگ انگ نا پارت کرسا پارینے کہ ننکن فیڈریشن غٹ آن زیات اہمیت تخک، سکوک بانڈز آ جہانی برادری و زرکار آتا مثبت ردعمل ساڑی آ حوکمت آ پت انا درشانی ءِ۔ کورونا دین انا رداٹ بروک آ وخت انا پورو ڈٹ بندی ءِ کننگ اُن، تانکہ حالیت آتا مقابلہ ءِ کننگ مرے و الس ءِ ریلیف فراوان کننگ مرے۔ الس عئید انا دے تیٹی رکھی گام گیج آتیا عملدرآمد ءِ پک کیر۔ داخیال آتا درشانی ءِ او سلاہکار پارلیمانی امور ڈاکٹر بابر اعوان تون اوڑدہی ٹی کرے۔ ڈاکٹر بابر اعوان پارلیمنٹ اٹی ساڑی ورنا پارلیمنٹرینز آتا تربیت سازی نا ڈٹ ءِ وزیراعظم ءِ پیش کرے۔ دا تربیت نا مسخت ورناپارلیمنٹرینز آتیٹی کانودسازی نا لائخی تے تالان کننگ ءِ تانکہ او کانود سازی و پارلیمنٹ اٹ گچین و بامعنی کڑد اس ادا کننگ کیر۔ دا تربیت غٹ جماعت آتیان تعلق تخوک آ ورناتے فراوان کننگ نا ڈٹ ءِ۔ وزیراعظم عمران خان ورناپارلیمنٹرینز آتا کانود سازی نا بشخ اٹی تربیت ناڈٹ انا ستاءِ کرے، وزیراعظم پارے کہ پاکستان تحریک انصاف قومی ادارہ غاتے سوگو و فعال کننگ کن سنبرینگوک ءِ ۔ دارداٹ وزارت پارلیمانی امور نا کلیدی کڑد اسے، وزیراعظم سینیٹ نا دیوان ءِ بٹنگ انگ نا پارت کرے۔ اوپارے کہ ننکن فیڈریشن غٹ آن زیات اہمیت تخک۔ اوپارے کہ سکوک بانڈز آ جہانی برادری و زرکار آتا مثبت ردعمل ساڑی حکومت آ پت انا درشانی ءِ ۔ وزیراعظم پارے کہ کورونا دین انا رداٹ بروک آ وخت اٹی پورو ڈٹ بندی کننگ اُن تانکہ حالیت آتا مقابلہ ءِ کننگ مرے و الس ءِ ریلیف تننگ مرے۔ الس عئید انا دے تیٹی رکھی گام گیج آتیا عملدرآمد ءِ پک کیر۔
