اسلام آباد۔ 24 فروری (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم خشک سلک ولے کوئٹہ ڈویژن اٹی اسہ اِرا ہند آتیا ہلکار پرانا گمان ئِ۔ احوال نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم خشک سلیس۔ جمعہ نا دے ریکارڈ کروک آ یخ انگا ہند آتا درجہ حرارت نا رپورٹ نا رداٹ کالام اٹی درجہ حرارت منفی 8 ڈگری سینٹی گریڈ، گوپس، استور منفی 5، پارہ چنار منفی 4، دیر، ہنزہ ، مالم جبہ، بگروٹ منفی 3، سکردو، قلات و راولاکوٹ اٹی منفی 2 ڈگری سینٹی گریڈ ریکارڈ کننگانے۔
