اسلام آباد۔ 24 فروری (اے پی پی ) مسکوہی سفیر مشتاق مہر پارینے کہ پاکستان و ترکی اواری اٹ مسلم ملک آتا ویل آتے گچین وڑاٹ ایسر کرفنگ کیرہ۔ ریڈیو پاکستان تون ہیت وگپ کرسا اوپارے کہ ترکی ٹی مروک آ پاک ترک بڑزکوکہولی اسٹریٹجک کمکاری نا پنچ می دیوان آن ہڑتوم آ ملک آتون اوار ڈیہہ ٹی ساڑی سیاسی و دہشت گردی نا چیلنج آتے کم کننگ اٹی کمک رسینگک۔ اوپارے کہ پاکستان و ترکی دنیا ٹی اسٹ انگا سوگو مسلم ملک آ ک ئُ ہرا اواری اٹ مسلم ملک آتا ویل آتے گچین وڑاٹ ایسر کرفنگ کیرہ۔ اوپارے کہ ہندا دورہ ٹی ہڑتوم آ سروک آک آئی ایس آئی ایس، سعودی عربیہ و ایران نا ویل اتون اوار شام کون آ ویل آتیا ہیت وگپ کیرہ و داہیت آ سجفنگک کہ مسلم ملک آک دا ویل آتے امر ایسر کرفنگ کیرہ۔ مشتاق مہر پارے کہ وزیراعظم پاکستان تینا ہر درملکی دورہ ٹی ملکی فائدہ غاتے اولیت ایتک و دادورہ ٹی ہم او توانائی ، انفراسٹرکچر و ٹرانسپورٹ تون اوار فری واپار نا معاہدہ کرینے ہراڑآن ہڑتوم آ ملک آتے فائدہ دوئی مریک۔
