وزیراعظم نا دورہ ترکی ہڑتوم آ ملک آتے اہمیت تخک
اسلام آباد۔ 24 فروری (اے پی پی) مسکوہی سیکرٹری پٹرولیم ڈاکٹر گل فراز احمد پارینے کہ ترکی آن اینخو سال جون اسکان ایل این جی درآمد بناکیک۔ ریڈیو پاکستان تون ہیت وگپ کرسا اوپارے کہ پاکستان نا وزیر اعظم محمد نواز شریف نا ساڑی دورہ ترکی ہڑتوم آ ملک آتے کن بھاز اہمیت تخک۔ دادورہ غان ہڑتوم آ ملک آتا ہڑتوم آ کنڈآتا تین پہ تینی تعلقداریک پین سوگو مریرہ۔ اوپارے کہ ترکی گدرینگوک آ سال مروک آ فوجی بغاوت آ وزیر اعظم نا کنڈآن یکجہتی نا درشانی و شام اتون ساڑی بے چیٹی تے مر کننگ اٹی کڑد آاونا منت واری ئِ ادا کرے ہراڑآن ہڑتوم آ ملک آتا سنگتی ٹی ودکی مریک اوپارے کہ پاکستان نا داکڑد آ ترک الس پاکستان نا ستائِ کرینے۔ مسکوہی سیکرٹری پارے کہ پاکستان ہم کشمیر نا ویل آ ترکی ناموقف ئِ عزت نا نظر اٹ ہرک۔

متعلقہ مضامینمصنف کی طرف سے مزید