اسلام آباد۔ 24 فروری (اے پی پی) بنجائی وزیر امور کشمیر وگلگت بلتستان چوہدری برجیس احمدطاہر پارینے کہ بنجاآزاد کشمیر حکومت نا شونداری سرجزآتیٹی ہروڑکمک کیک۔ کشمیر نا ویل ایسر مننگ اسکان ڈیہہ ٹی امن نا تصور ممکن اف۔ او جمعہ نا دے داڑے آزاد کشمیر نا سینئر وزیر چوہدری طار ق فاروق تون اوڑدہی ٹی خیال آتا درشانی ئِ کریکہ۔ برجیس طاہر پارے کہ آزاد کشمیر نا حکومت آن الس ئِ بھلو اومیت اس ارے۔ بنجائی حکومت آزاد کشمیر نا حکومت نا جوڑ جاڑ و شونداری ٹی ہروڑکمکاری کیک۔ اوپارے کہ مقبوضہ کشمیر اٹی برہان وانی نا شہیدی آن پد جہد آجوئی اسہ پوسکن ئُ واک اس ہلکونے و کشمیریک پرامن سلسا ہانی ضمیر ئِ سرفینو ولے جہانی برادری مقبوضہ کشمیر اٹی انسانی حق انا سنگین خلاف ورزی تیا چپ تماشائی نا کڑد ئِ ادا کننگ ئِ۔ جہانی برادری اقوام متحدہ نا قرارداد آتارداٹ کشمیر نا ویل انا ایسری کن تینا کڑدئِ اداکے۔
