اسلام آباد۔ 24 فروری (اے پی پی) مزن وزیر ئِ مشیر ئُُ راجی مڈی عرفان صدیقی ئَ گوشت کہ مزن وزیر محمد نواز ئَ لبزانکار، شاعر ئُُ ندکار آنی آسراتی آنی ودینگ ئِ منظوری دات ایشانی جار آئی ئَ گوستگیں ماھ ئَ ندکار آنی چارمی میاں اوستمانی کانفرنس ئِ بنگیجی دیوان ئَ گوں گشتانک ئَ تران کُت۔ آدینگ ئِ روچ ئَ اِدا گپ ئُُ تران کنان ئَ عرفان صدیقی ئَ گوشت کہ اے وھد ئَ 354لبزانکار ئُُ شاعر آنی لائف انشورنس ئِ آسراتی بہ پُج ایت۔ مزن وزیر ئَ لبزانکار ئُُ شاعر آنی لائف انشورنس ئِ ھاترا کساس 354ئَ چہ ودینتگ 700کتگ۔ اے وھد ئَ پزیکل بیرانی ئِ پد ئَ یک لکھ ئُُ وئیل ئِ تہ ئَ بیرانی ئِ رنگ ئَ دو لکھ کلدار ئُُ پشمندہ آناں انشورنس ئِ زرّ دیگ بنت۔ مزن وزیر ئَ اے زرّ گیش کتگ ئُُ دو لکھ ئُُ چار لکھ کلدار کتگ اَنت۔ اے وھد ئَ سرجمیں ملک ئَ 500بزگیں ندکار آناں ھمک ماھ وظیفہ دیگ بوھگ ئَ اِنت۔ مزن وزیر ئَ اے وطیفہ آنی کساس 500ئَ چہ ودینتگ یک ھزار کتگ۔ ایشی ئَ چہ ابید وطیفہ ئِ استیں وھد ئَ پنچ ھزار ئَ چہ ودینتگ ئُُ ھمک ماھ 13ھزار کتگ۔
