انقرہ۔ 23فروری ( اے پی پی) مزن وزیر محمد نواز شریف ءَ پنچ شمبے ءِ روچءَ ترکی ءِ اولی صدر ءُ آزاتی ءِ جنگ ءِ مزنیں رھشون مصطفی کمال اتاترک ءَ را دادءُ سلام پیش کنگءِ ھاترءَ آئی ءِ مزار ءِ سرءَ حاضری داتگ۔ مزن وزیر محمد نواز شریف ءَ بابائے ترک ءِ مزار ءِ سرءَ پُھلانی چادر پِر داتگءُ آئی ءِ شرپ ءَ یک ملنٹے ءِ ھاموشی کتگ۔ ایشی ءَ چہ پد مزن وزیر محمد نوازءَ مزنیں رھشون ءِ مزار ءَ ایر یں کتاب ءِ تہا وتی ھیال ءُ لیکہ نبشتہ کتگ اَنت کہ آئی ءِ تہا آئی ءَ بابائے تر ک ءَ را ملک ءِ تہا وشھالی ءُ جمہوریت ءِ مھکمیں بنیات ایر کنگ ءِ سرءَ آئی ءَ را جوانیں لبزاں دادءُ سلام پیش کتگ۔ پٹرولیم ءُ قدرتی وسائل ءِ بنجاھی وزیر شاہد خاقان عباسی، باپار ءِ وزیر خرم دستگیر خان ءُ مزن وزیر ءِ ھاسیں کمککار طارق فاطمی ھم اے موھ ءِ سرءَ آئی ءِ ھمراھ بوتگ۔

متعلقہ مضامینمصنف کی طرف سے مزید