انقرہ۔ 23 فروری (اے پی پی) مزن وزیر محمد نواز شریف ئُُ ترکی ئِ مزن وزیر بن علی یلدرم ئَ گوشت کہ پاکستان ئُُ ترکی ناشرکاری ئِ آماچ اَنتئُُ دوئیں ملک آنی تہ ئَ ایمنی ئِ برجائی ئِ ھاترا یکجائی ئَ کار کنگل لوٹیت۔ پنچ شمبے ئِ روچ ئَ پنچمی مزن تک ئِ سٹریٹیجک کمک کونسل ئِ دیوان ئِ بندات ئِ موہ ئَ کانفرنس ئَ گشتانک دیان ئَ دوئیں مزن وزیر آں ناشرکاری ئُُ ناچاکی ئِ ھلاپ ئَ وتی وتی ملک آنی تہ ئَ تُرندی ئَ گوں گامگیج زورگ ئِ درشان کُت۔ مزن وزیر محمد نواز شریف ئَ گوشت کہ ترکی ئِ دژمن پاکستان ئِ دُژمن اَنت۔ آئی ئَ گوشت کہ ناشرکاری ئِ ھلاپ ئَ جنگ ئَ ترکی ئِ گوما یک پاد ئَ اوشتگ ئِ درشان کُت۔ آئی ئَ اے گپ ئِ درشان کُت کہ ترک پاگواجئی ناشرکاری ئِ توامیں بیم آنی ھلاسی ئَ گوں گر ئُُ چیل بوھگ ئُُ صدر طیب اردگان ئِ رھشونی ئَ ایمن ئُُ وشھالی ئِ نیمگ ئَ روگ ئَ اِنت۔ مزن وزیر ئَ گوشت کہ پاکستان اے وھد ئَ ناشرکاری ئِ چیلنج ئِ گوما دیم پہ دیم اِنت۔ آئی ئَ گوشت کہ چیز ئِ روچ پیسر ئَ سیہون شریف ئَ مزار ئِ سرئَ ، ایش کہ ایمنی ئِ چیدگ اِنت، ایشی ئِ سر ئَ تراک ئِ زکر کنان ئَ آئی ئَ گوشت کہ ناشرکاری کجام ھم رنگ ئَ بہ بیت آئی ئِ گر ئُُ دار کنگ ئِ کوشست جاڑی دارگ بیت۔
