انقرہ۔ 23 فروری (اے پی پی) ترکی ئِ حکومت ئِ نیمگ ئَ مزن وزیر محمد نواز شریف ئَ را پچیں پیشانی ئَ گوں وش اتک کنگ بوت اے رد ئَ یک مراگش ئِ پنچ شمبے ئِ روچ ئَ چنکایاپیلس ئَ برجم دارگ بوت۔ ترکی ئِ ھمکار بن علی یلدرم ئَ گند ئُُ نند ئِ واستہ چنکایاپیلس ئَ آیگ ئِ سر ئَ مزن وزیر محمد نواز شریف ئِ سک باز وش اتک کنگ بوت۔ مزن وزیر کارگس ئِ نیمگ ئَ جاڑی بوتگیں ھال ئِ رد ئَ ترکی ئِ مزن وزیر ئَ آئی ئِ سک باز وش اتک کتگ۔ اے موہ ئِ سر ئَ دوئیں ملک آنی رھشون آنی نیام ئَ وشیں ھیال ریچی کنگ بوت ، اے ساھت ئَ دوئیں ملک آنی راجی سوت ھم الھان کنگ بوت اَنت۔ ترکی ئِ سلاھ بندیں اُرد آں مزن وزیر محمد نواز شریف ئَ را سلامی پیش کُت ئُُ دوئیں رھشون آناں گارڈ آف آنر ئِ چار ئُُ تپاس کُت۔ ایشی ئِ چہ پد دوئیں رھشون آں وت مہ وت گند ئُُ نند کُت۔

متعلقہ مضامینمصنف کی طرف سے مزید