پاکستان ترکی ئِ گوما سیادی ئَ را گران بہائیں نگاہ آں گوں چار ایت، دوئیں ملک آنی نیامئَ اقتصادی پاٹنرشپ ئُُ سیاسی یکوئی ئَ را مھکم کنگ ئِ ھاترا ھک ئُُ دل آں
انقرہ ۔ 23 فروری (اے پی پی) مزن وزیر محمد نواز شریف ئَ گوشت کہ پاکستان ترکی ئِ گوما سیادی ئَ را گران بیائیں نگاہ آں گوں چار ایت ئُُ دوئیں ملک آنی نیام ئَ اقتصادی پاٹنرشپ ئُُ سیاسی یکوئی ئَ را مھکم کنگ ئِ ھاترا ی ھک ئُُ دل اِنت۔ پنچ شمبے ئِ روچ ئَ اے ھیالانی درشانی آئی ئَ ترکی ئِ ھمکارر بن علی یلدرم ئَ گوما ون آن ون گند ئُُ نند ئِ کُت اَنت۔ مزن وزیر ئَ گوشت کہ پاکستان ئُُ ترکی ئِ نیامئَ تجارتید حجم 600ملین ئَ چہ کم اِنت پدا ھم آزاتیں تجارتی منوگری (ایف ٹی اے) ئِ ھد ئُُ ابیل آں تا زوت سر بوھگ ئِ کوشست کنگ بہ بیت۔ آئی ئَ گوشت کہ آزاتیں تجارتی منوگری ئَ چہ دوئیں ملک آنی بازیں شوبگ آناں مزنیں کساس ئَ موہ پچ بیت ئُُ چیز اِزمت ئُُ سرمایہ کاری ئَ دوئیں ملک آنی تجارتی اِزمکاری آنی تہ ئَ گیشی یے کئیت۔ مزن وزیر ئَ گوشت کہ ترکی ئَ آیگ منی واستہ مُدام وشی ئِ گپ اِنت ، ترکی منی دومی گس اِنت۔ آئی ئَ گوشت کہ پاکستان ئُُ ترکی ئِ یکیم ، ربیدگ ئُُ راجدپتر یکوئی ئَ چہ گیش مھکم ئُُ جھلانک بنت۔ مزن وزیر محمد نواز شریف ئَ دوئیں ملک آنی نیام ئَ ٹوھیں سیاسی مٹ ئُُ بدلی ئِ اِرزشست ئِ سر ئَ زور پر دات۔
