اسلام آباد۔ 23 فروری (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی کیڈ ڈویژن نا شونداری ڈٹ آتے کن جم وڑاٹ داوخت اسکان 2 ارب 14 کروڑ روپئی آن زیات نا فنڈ جاری کرینے۔ حکومت دا ڈویژن نا شونداری ڈٹ آتے کن 3 ارب 56کروڑ 22لکھ 37 ہزار روپئی نا فنڈجتا کرینے۔ سرکاری حساب وکتاب نار داٹ حکومت اسلام آباد اٹی وزیراعظم نا تعلیمی اصلاحات پروگرام نا رداٹ 200 اسکول آتے کن اسہ ارب، اسلام آباد اٹی سمارٹ اسکول آتا اڈتننگ کن 14 کروڑ روپئی، اسپیشل چلڈرن نا تعلیم کن اسہ کروڑ 40لکھ روپئی، اسلام آباد ماڈل کالج جی ٹین فور فار بوائز کن 2 کروڑ 71لکھ روپئی، ہوم اکنامکس مینجمنٹ سائنس کالج ایف الیون ون اکن 14کروڑ 70لکھ روپئی، فیملی سوٹس نا جوڑ جاڑ کن 50 کروڑ روپئی آن زیات نا فنڈ جاری کرینے۔
