اسلام آباد۔ 23 فروری (اے پی پی) پاکستان مسلم لیگ (ن) نا راہشون و باسک قومی اسمبلی دانیال عزیزپارے کہ عدالت عظمیٰ ٹی تحریک انصاف نا دلیل آتیٹی ہچئُ وزن اس اف و پاناما کیس تینا انجام نا کنڈآ ہِننگئِ ، دا کیس انا فیصلہ آئین و کانود نا رداٹ مریک۔ پنچ شنبے آ داڑے میڈیا تون ہیت وگپ کرسا اوپارے کہ وخت تدینگ انگ تون اوار اوار پاناما کیس تینا انجام نا کنڈآ ہِننگ ئِ ۔ اوپارے کہ پٹیشن آتا کنڈآن گدرینگوک آ چارسال اٹی کیہی وڑاٹ بیان تننگسا ہنانے ولے اینو اولیکو وار مخالف وکیل عدالت اٹی دلیل ترسا سچ پارینے کہ او عدالت نا وخت ئِ زیان کننگ ئِ۔ اوپارے کہ مخالف اسہ پلو پائک کہ ہرا عدالتی فیصلہ بریک اودے امنا کننگک و ارٹ میکو کنڈ عدالت ئِ دھڑکو تننگ نا عمل ئِ برجاتخانو۔ دانیال عزیز پارے کہ اینو عدالت جتا واقعہ غاتیا پارے کہ پی ٹی آئی نا کنڈآن ہرا اخباری تراشہ و ردی نا کاغد جمع کننگ انگ ئِ او سماعت نا قابل افس و فیصلہ کانود و آئین نا رداٹ کننگک۔
