اہم ئُ وڑانا کیس اسے ہراٹی گونڈ ئُ فیصلہ تننگ مفک، عدالت
اسلام آباد۔ 23 فروری (اے پی پی) سپریم کورٹ پاناما لیکس نا بابت مقدمہ نا فیصلہ ئِ محفوظ کرینے۔ ہرادے ولدا بنفنگک۔ پنچ شنبے آ جسٹس آصف سعید کھوسہ نا سروکی ٹی جسٹس اعجاز افضل خان، جسٹس گلزاراحمد، جسٹس شیخ عظمت سعید و جسٹس اعجاز الحسن آ تالان پنچ باسکی لارجربنچ کیس انا سماعت ئِ کرے۔ داوخت آ پاکستان تحریک انصاف نا چیئرمین عمران خان نا وکیل نعیم بخاری ورندی دلیل آتے پورو کرے وخت اس کہ جماعت اسلامی نا کنڈآن ایڈووکیٹ توفیق آصف دلیل آتے تس۔ درخواست گزارعوامی مسلم لیگ نا صدر شیخ رشید ہم عدالت نا روبروکیس انا بابت ورندی دلیل تس۔ عدالت تحریک انصاف نا چیئرمین عمران خان و امیر جماعت اسلامی سراج الحق ئِ ہم ہیت کننگ نا موقع تس وخت اس کہ مسلم لیگ (ن) نا کنڈآن شاہد حامد دا اہم انگا کیس انا سماعت نا بابت بنچ نا منت واری ئِ ادا کرے۔ داکان پد عدالت گونداکہ دا اسہ اہم ئُ وڑنا کیس اسے ہراٹی گونڈ ئُ فیصلہ تننگ مفک ہنداخاطران دا کیس انا فیصلہ ئِ محفوظ کننگک ہرادے ولدا بنفنگک۔
