لاہور۔ 23 فروری (اے پی پی) صوبائی دارالحکومت لاہور نا پوش علاقہ ڈی ایچ اے زیڈ بلاک مارکیٹ نا بیکری شاپ اٹی پنچ شنبے نادے زوردار دھماکہ سے نا سوب 5بندغ تپاخت وخت اس کہ 21 ٹھپی مسنو۔ ریسکیو ترجمان نا رداٹ ڈی ایچ اے مارکیٹ اٹی واقع بیکری شاپ اٹی زوردار دھماکہ ٹی چندی بندغ آک ٹھپی مسر، واقعہ نا دمدستی احوال آ ریسکیو ٹیم تتون اوار ایلو امدادی ٹیمک موقع غا رسینگار ہرافک دھماکہ ٹی ٹھپی مروک آ 21 بندغ ئِ جنرل ہسپتال لاہور وخت اس کہ 5 تپاخت کروک آ بندغ آتا لاش تے ہم جنرل ہسپتال لاہور آ گدریفنگانے۔ ریسکیو ترجمان نا رداٹ دھماکہ نا دمدستی وڑاٹ سوب معلوم مننگ کتو ولے غٹ ٹھپی و تپاخت کروک آ بندغ آتے ہسپتال آ گدریفنگانے۔
