اسلام آباد۔22فروری ( اے پی پی ) ھا ل ءُ اھیوال کار ءُ شنگکاری ءُ قومی ورثہ ءِ بنجاھی وزیر مریم اورنگزیب ءَ گشتگ کہ انوگیں حکومت صحافتی آزاتی ءُ ھیا ل ءُ لیکہ ءِ آزاتیءِ سرءَ یقین کنت، صحافی اگاں جندی ھال درءِ بہ بنت یا سرکاری بہ بنت منی ٹیم ءِ بھر اَنت۔ چارشمبے ءِ روچءَ یک بیانے ءِ تہا مملکت ءِ وزیر ءَ گشتگ کہ مرچی شاہ آمید گس ءِ ڈنءَ ھرچی بوتگ اپسوزی وئیل اِت۔ لھتیں دیراں پد جیڑھ ءَ را گیش ءُ گیوار کنگءِ کوشستءَ کنگ ءَ اوں ۔ اے جیڑھ ءِ سرءَ دو گپ اَنت بلے اے گیش ءُ گیوار بنت۔ انوشہ رحمان مزن وزیر ءِ کیبینٹ ءِ زمہ واریں باسک اِت ءُ مزن وزیر صحافتءِ آزاتی ءِ سرءَ یقین کنت۔ آئی ءَ گشتگ کہ من گندءُ نندءِ وسیلگ ءَ جیڑھ ءَ را گیشءُ گیوار کنگ ءِ سوج داتگ۔
