اسلام آباد۔22فروری ( اے پی پی) صدر ممنون حسین ءَ گشتگ کہ پاکستان اوگانستان ءَ را وتی یک راستیں سنگتے لیک اِیت، امن ءُ ایمنی، دیم روئی ءُ وشھالی ءِ ھاترءَ آئی ءِ گوما یک جاھ ھوار کنگ لوٹ ایت، اوگانستان جنگءُ جدل ءُ دروگ ءُ پندل ودی کنوکاں پروش بہ دنت، خطہ ءِ تہا امنءُ ایمنی اوگانستان ءِ امنءُ ایمنی ءِ گوما بندوک اِنت۔ آ چارشمبے ءِ روچءَ کیڈٹ شاھ دربرجاھ حسن ابدال ءِ کیڈٹس ءِ گوما گپ ءُ تران کنگ بوتگ آھاں ایوان صدرءَ گندءُ نند کتگ۔ صدر مملکت ءَ گشتگ کہ پاکستان بھارت ءِ گوما دوستی ءِ سیادی ءِ واھشت مند اِنت بلے بھارتءَ را ھم اے ھوالگءَ کمک کنگ لوٹ ایت ، مقبوضہ جموں ءُ کشمیر ءَ بھارتی سیکیورٹی فورس آنی نیمگ ءَ چہ جاری زُلم ءُ ناھقی ءِ ھوالگءَ صدرءَ گشتگ کہ کشمیر آنی نوکیں نسل ءِ نیمگءَ چہ داتگیں قربانی آں کشمیرءِ آجوئی آشوب ءَ را زندگ کتگ۔
