اسلام آباد۔ 22 فروری (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام تیٹی ملک اٹی جان جوڑی نا آسراتی تے گچین جوڑ کننگ کن جم وڑاٹ 9 ارب 75کروڑ 96لکھ روپئی آن زیات نا فنڈ جاری کرینے۔ حکومت سرکاری بشخ انا شونداری پروگرام تیٹی دا ڈویژن نا شونداری پروگرام تے کن 24ارب 75کروڑ روپئی آن زیات نا فنڈجتا کرینے۔ پلاننگ کمیشن نا جاری کروک حساب وکتاب نا رداٹ حکومت اسلام آباد اٹی کنگ حمد ہسپتال کن 31 کروڑ، پرائم منسٹر نیشنل ہیلتھ انشورنس پروگرام کن 80 کروڑ، صوبہ غاتا پاپولیشن ویلفیئر پروگرام کن اسہ ارب 54کروڑ، قومی پروگرام فیملی پلاننگ کن 2ارب 19 کروڑ، ای پی آئی پروگرام کن 4 ارب 33کروڑ تون اوار چندی شونداری ڈٹ آتے کن فنڈ جاری کرینے۔
