اسلام آباد۔ 22 فروری (اے پی پی) محکمہ موسمیات نارداٹ بروک آ 24گھنٹہ ٹی ملک انا گیشتر علاقہ غاتیٹی موسم خشک سلک۔ رپورٹ نا رداٹ گدرینگوک آ 24گھنٹہ ٹی ہم ملک انا گیشتر علاقہ غاتیٹی موسم خشک سلیس ولے راولپنڈی ، ہزارہ ڈویژن و کشمیر اٹی گڑاس ہند آتیا پر و مش تیا برف باری مس غٹ آن زیات پر راولاکوٹ اٹی 10 ملی میٹر، گڑھی دوپٹہ اسٹ، کاکول4و مری ٹی اسہ ملی میٹر پر ریکارڈ کننگا۔ چارشنبے آ ریکارڈ کروک آ یخ انگاہند آتا درجہ حرارت نا رپورٹ نا رداٹ کالام اٹی درجہ حرارت منفی 06ڈگری سینٹی گریڈ، پارہ چنار، گوپس منفی 5، دیر، مالم جبہ منفی 3، قلات راولاکوٹ و بگروٹ اٹی منفی 2 ڈگری سینٹی گریڈ ریکارڈ کننگانے۔
