اسلام آباد۔ 22 فروری (اے پی پی) مسلم لیگ (ن) نا راہشون مائزہ حمید پارینے کہ عمران خان نیب و ایب بی آر نا مون آ دھرنہ تننگ خوائک، دھرنہ، کاغد و ردی نا ٹکر آتیا فیصلہ غاک مفسہ، دوبہ غاتا شاہدی تے پیش کروئی مریک، نواز شریف الس نا وزیراعظم ئِ و دا الس نا کیس ئِ۔ سپریم کورٹ نا پیشن میڈیا تون ہیت وگپ کرسا اوپارے کہ وزیراعظم محمد نواز شریف تاریخ نا اسٹ انگا وزیراعظم ئِ ہراتینے و تینا ہر مسٹ آ نسل آتے احتساب کن پیش کرینے۔ وزیراعظم تینے عدالت اٹی پیش کرینے انتئے کہ اونا دامن صفا ئِ و دوبہ ہموک خلنگ ئُ ہرافتا دامن داغدار ئِ۔ مائزہ حمید پارے کہ عمران خان دوبہ خلنگ ئِ تو اودے شاہدی پیش کروئی مریک۔ اوپارے کہ عمران خان ادارہ غاتیا زور شاغنگ نا کوشست کننگ ئِ داسہ او نیب و ایف بی آر نا مون آ دھرنہ تننگ خوائک ، دھرنہ ، کاغد نا ردی نا ٹکر آتیا مرضی نا فیصلہ ملیپک۔ مسلم لیگ (ن) نا راہشون عمران خان نا اسہ بیان اسے نا ورندی ٹی پارے کہ سپریم کورٹ نا پیشن اسمبلی نا باسک آک وزیراعظم نا کیس انا دفاع ئِ کپننگ ئُ نن سیاسی کارندہ اُن، وزیراعظم محمد نواز شریف الس نا وزیراعظم ئِ ، و دا کیس الس نا کیس ئِ ، نن انشاءاللہ دا کیسئِ کٹنہ۔
