حکومت ناشرکاری ئِ سرجمی ئَ ھلاسی ئَ ھک ئُُ دل اِنت، ناشرکار ئُُ آوانی کمکار ھرکُجا اَنت آوانی پجار کنگ بیت، تہی کار آنی وزیر چوہدری نثار علی خان
اسلام آباد ۔ 22 فروری (اے پی پی) تہی کارانی وزارت ئَ پنجاپ ئَ رینجرز اختیار دیگ ئِ منظوری دات۔ چار شمبے ئَ تہی کارانی وزیر چوہدری نثار علی خان ئِ پاگواجئی ئَ مزن تک ئِ دیوان ئِ برجم دارگ بوت، ایشی ئِ تہ ئَ راجی سلامتی ئِ مشیر جنرل (ر) ناصر جنجوعہ، سیکرٹری تہی کار، چیف سیکرٹری پنجاپ، ھوم سیکرٹری، آئی جی پنجاپئُُ ایندگہ کلانئیں اپسرگ آں بھر زُرت۔ پنجاپ ئَ رینجرزاختیارات دیگ ئِ سپارش صوبگ ئِ اپیکس کمیٹی ئِ نیمگ ئَ کنگ بوتگ اَت۔ اختیارات ناشرکاری ئِ ایکٹ ئِ چیر دستی ئَ 60روچ ئِ واستہ دیگ بوھگ ئَ آں۔ وھد ئُُ پاس ئُُ اختیارات آنی چیر دستی ئَ رینجرز ناشرکار آنی ھلاپ ئَ کاروائی ئَ پولیس ئُُ کانود مھکم داروک ادارگ آنی کمک ئَ زور ایت۔ تہی کارانی وزیر چوہدری نثار علی خان ئَ گوشت کہ حکومت ناشرکاری ئِ سرجمی ئَ ھلاسی ئِ ھاترا ھک ئُُ دل اِنت ئُُ اے رد ئَ صوبگ آنی توامیں رنگ ئِ کمک کنگ ئِ پالیشی آنی سر ئَ ترندی ئَ کار کنگ بیت۔ آئی ئَ گوشت کہ ناشرکار ئُُ آوانی کمککار ھر کُجا اَنت آوانی پولگ بیت ئُُ آوانی آسر بندگ بیت۔ تہی کارا آنی وزیر ئَ گوشت کہ ناشرکاری ئِ ھلاپ ئَ جنگ ئَ مھکمی ئُُ راجی یکجائی پکار اِنت۔
