وزارت منصوبہ بندی ءُ دیم روئی ءَ جان ءُ سلامتی ءِ آسراتی ءَ را گہتر جوڑ کنگءِ ھاترءَ ھاترءَ 9ارب 76کروڑ96کلدارءِ فنڈ جاری کتگ

اسلام آباد۔22فروری ( اے پی پی ) وزارت منصوبہ بندی ءُ دیم روئی ءَ رواں مالی ءِ سرکاری شعبہ ءِ دیم روئی ءِ پروگرام آں جان ءُ سلامتی ءِ آسراتی ءَ را گہتر جوڑ کنگ ءِ ھاترءَ 9 ارب 75کروڑ 96لکھ کلدار ءَ چہ گیش ءِ فنڈ جاری کتگ۔ حکومتءَ سرکاری پڑ ءِ دیم روئی پروگرام آں اے ڈویژن ءِ دیم روئی 24ارب 75کروڑ کلدار ءَ چہ گیش ءِ فنڈ ایر کنگ بوتگ۔ پلاننگ کمیشن ءِ جاری کتگیں کچ ءُ کساس ءِ ردءَ حکومت ءَ اسلام آباد ءَ کنگ حمد نادراھ جاھ ءِ ھاترءَ 31کروڑ، پرائم منسٹر نیشنل ہیلتھ انشورنس پروگرام ءِ ھاترءَ 80کروڑ، صوبہ آنی پاپولیشن ویلفیئر پروگرام ءِ ھاترءَ یک ارب 54کروڑ ، راجی پروگرام برائے فیملی پلاننگ ءِ ھاترءَ 2ارب 19کروڑ، ای پی آئی پروگرام ءِ ھاترءَ 4ارب 33کروڑ ءَ ھوار بازیں دیم روئی ءِ منصوبہ آنی فنڈز جاری کتگ ۔