اسلام آباد۔22فروری ( اے پی پی) مزن وزیر محمد نواز شریف چارشمبے ئِ روچئَ ترکی ئِ سئے روچی ترءُ تابئَ رھادگ بوتگ ۔ مزن وزیر پاکستان ترکی ئِ مزن تک ءِ سٹرٹیجک کمک کونسل( ایچ ایل ایس سی سی) ئِ پنچمی اجلاسئَ ھوار بیت۔ اولی زالبول بیگم کلثوم نواز، بنجاھی وزیر پٹرولیم ءُ قدرتی وسائل شاہد خاقان عباسی، باپار ی ئِ وزیر انجینئر خرم دستگیر ءُ مزن وزیر ئِ دری کارانی ھاسیں کمک کار طارق فاطمی ھم مزن وزیرئِ ھمراھ اَنت۔ وتی ترءُ تاب ئِ تہا مزن وزیر بازیں ءُ دونیمگی دمگی ءُ میاں اوستمانی جیڑھ آنی سرئَ ترک ترک قیادت ئِ گوما شورءُ سلہ ءُ ھیال ءُ لیکہ ئِ درشانی ئَ کنت۔ مزن وزیر محمدنواز شریف ترک مزن وزیر بن علی یلدرم ئِ ھمراھی ئَ پنچ شمبے ئِ روچئَ انقرہ ئَ پاک ترک مزن تک ئِ سٹرٹیجک کمک کونسل ئِ پنچمی اجلاس ئِ یک جائی سروکی ءَ ھم کن اَنت۔ پاک ترک مزن تک ئِ کمک کونسل 2009ئَ دوھیں ملک آنی درنیامئَ مزن تک ئِ سیاسی تک ءِ شور ءُ سلہ ئِ ھاترئَ فریم ورک ئِ ھسابئَ دیم ئَ آرگ بوتگ۔

متعلقہ مضامینمصنف کی طرف سے مزید