اسلام آباد۔ 22 فروری (اے پی پی) مسلم لیگ (ن) ئِ رھشون دانیال عزیز ئَ گوشت کہ عمران خان ئُُ جہانگیر ترین پاکستان ئِ راجدپتر ئِ ھما سیاست کنوک آں کہ آواں من اِتگ کہ آواں لُت ئُ پل کتگ، عمران خان خیبر پختونخوا ئَ 120روچلک ءتوک ئَ کیاسگری بہ کنت ئُُ پیس بدار ایت، مزن وزیر محمد نواز شریف ئِ نام پاناما پیپر ئِ توک ئُ نہ اِنت، ما سر جھل کتگ ئُُ آمید گس ئَ کیاس گری ئِ واستہ وتارا پیش کتگ۔ شاھ آمید گس ئِ دیم ئَ رسانکی در آں گوں تران کنان ئَ آئی ئَ گوشت کہ آئی ءٹولیگ نیب ئِ کاروائی آنی ھلاپ ئَ گیشاں چہ گیش بیان دیگ ئَ اَنت۔ آ بِھ وتی زنچک ئَ دلگوش نہ باں۔ آواں گوشت کہ نیب ئِ چیئرمین ئَ را مٹ کنگ یا در کنگ ئِ پاور نیشنل ججز کمیشن ئِ کرا اِنت، دانیال عزیز ئَ گوشت کہ نیب یک آزاتیں ادارگ اِت ئُُ وتی رواج ئَ کار کنگ ئَ اِنت۔ آئی ئَ گوشت کہ عمران خان ئِ نیمگ ئَ سپریم کورٹ ئَ پٹیشن ئَ چہ پیسر گوستگیں سال ئِ ستمبر ئَ لاہور ھائی کارٹ ئَ پانامہ پیپرز ئِ سر ئَ گوشداری بندات کنگ بوتگ ئُُ ایشی ئِ تہ ئَ توامیں ادارگ پیش بوھگ ئَ آںئُُ اے وھد ئَ عمران خان ئَ اُلس ئَ پمپ کنگ ، ڈاھ ئُُ شور کنگ، جاک ئُُ واک کنگ، سُتک ئُُ سوچ کنگ ئُُ ھڑتال کنگ ئِ کوشست بندات کتگ اَت پدا ھم آ وھد ئِ چیف جسٹس ئَ گوشت کہ کمیشن ئِ جوڑ کنگ بہ بیت گڈا عمران خان ئَ اے گپ نہ وش بوت چیا کہ عمران خان سیاست ئَ پُشت ئِ در ئَ چہ آیگ لوٹگ ئَ اَت۔
