اسلام آباد۔21فروری ( اے پی پی) مزن وزیر محمدنواز شریف چار شمبے ءِ روچءَ ترکی ءِ 3روچی ترءُ تاب ءَ رھادگ بیت۔ مزن وزیر پاکستان ترکی ءِ مزن تکیں سٹریٹجک کمک ءَ کونسل ( ایچ ایل ایس سی سی ) ءِ پنچمی اجلاس ءَ ھوار بیت۔ بازیں بنجاھی وزیر ءُ مزن تک ءِ حکام ءِ مزن تکیں ڈلے ھم مزن وزیرءِ ھمرائیءَ رؤت۔ ترءُ تابءِ تہا مزن وزیر بازیں ءُ دونیمگی دمگی ءُ میاں اوستمانی جیڑھ ءِ سرءَ ترک قیادت ءِ گوما شورءُ صلہ ءُ ھیالءُ لیکہءِ درشانی ءَ کنت۔ مزن وزیر محمد نواز شریف ترک مزن وزیر بن علی یلدرم ءِ ھمراھی ءَ پنچ شمبے ءِ روچءَ انقرہ ءَ پاک ترک مزن تکی سٹریٹجک کمک کونسل ءِ پنچمی اجلاس ءِ یک جائی سروکیءَ ھم کنت۔ پاک ترک مزن تکی کمک کونسل 2009ءَ دوھیں ملک آنی درنیام ءَ مزنیں سیاسی تک ءِ شور ءُ سلائی ءِ ھاترءَ فریم ورک ءِ ھاترءَ جوڑ کنگ بوتگ۔ اے میکنزم دو نیمگی قیادت ءَ را سٹریٹجک فوکس ءُ رہنمائی پھجارین ایت ءُ باندات ءِ ھاترءَ یک وژنے جوڑ کنگءَ کمک دنت۔ کونسل ءِ ردءَ 6ورکنگ گل کارکنگءَ اَنت کہ ایشانی تہا باپار ، توانائی ، بینکنگ ءُ فنانس ، ھال رسانک، ریلوے ، تعلیم ءُ دود ءُ ربیدگ ءُ سیاحت ءِ پڑ ھوار اَنت۔
