راولپنڈی۔ 21 فروری (اے پی پی) پاک فوج انا سروک جنرل قمر جاوید باجوہ چارسدہ بمب دھماکہ ٹی سیکورٹی فورس آتا دمدستی ردعمل نا ستائِ کرسا پارے کہ پولیس وسیکورٹی فورس آک تینا جان نا پرواہ ئِ کننگ آن بیدس الس ئِ دہشت گرد آتا جلہو آن رکھار۔ اوفتا قربانی تے گیرام کننگ مفک، پاک فوج انا شعبہ تعلقات عامہ نا رداٹ آرمی چیف جنرل قمر جاوید باجوہ پارینے کہ چارسدہ ٹی مروک آ جلہو اٹی سیکورٹی فورس آک ہراوڑاٹ کارروائی کرسا الس نا جان ئِ بچفینو ہرا ستاکڑزک۔ اوپارے کہ پاک فوج ملک آن دشمن و دہشت گرد آتا پوروی اٹ چٹفنگ آن بیدس آرام اٹ تولپک۔
