بہادر پولیس کارندہ غاک تینا جان اتون گوازی کرسا دہشت گرد آتا کچہری ٹی پترینگ انگ نا کوشست ئِ بے سہب جوڑ کریر، سد آ خلقت نا جان تے بچفیر، ڈی پی او چارسدہ
پشاور۔ 21 فروری (اے پی پی) ضلع چارسدہ نا تحصیل تنگی ٹی کچہری گیٹ آ دہشت گرد آتا جلہو اٹی7 بندغ تپاخت و 15 ٹھپی مسنو ، ڈی پی او چارسدہ سہیل خالد نا رداٹ سے شنبے آ اسہ خودکش جلہو گیر اس کچہری گیٹ آ تینے دھماکہ اٹ ترخفے وخت اس کہ اِرا خود کش جلہو گیر آتے پولیس سم کاری کرسا تپاخت کرے۔ ڈی پی او نا رداٹ واقعہ نا دمدستی پد سیکورٹی فورس آک علاقہ ئِ گھیڑ اٹی ہلسا امدادی کارروائی تا بنائِ کریر، و ٹھپی تے دمدستی وڑاٹ خڑک انا ہسپتال آ گدریفنگا، ہراڑے بنائی طبی امداد آن پد ٹھپی تے لیڈی ریڈنگ ہسپتال پشاور آ گدریفنگا۔ ٹھپی پولیس کارندہ غاتیٹی فضل ربی ، اشفاق، بلال ، منصف، عثمان و عالم اوار ئُ ، ڈی پی او سہیل خان نا رداٹ علاقہ ٹی سرچ آپریشن جاری ئِ ، اوپارے کہ کچہری گیٹ آ ڈیوٹی سرانجام تروک آ بہادر پولیس کارندہ غاک تینا جان اتون گوازی کرسا دہشت گردآتا کچہری ٹی پترینگ انگ نا کوشست ئِ بے سہب جوڑ کرسا ہموڑے ساڑی سد آ خلقت نا جان ئِ بچفیر، یات سلے کہ تنگی چارسدہ بازار آن 33کلومیٹر قطب نا کنڈاواقع ئِ و دانا سیم مہمند ایجنسی تون ملک۔
